2 dekabr 2012 18:05
Rail Türkiyədə növbəti xal itkisinə üzüldü (YENİLƏNİB)
Futbol üzrə Azərbaycan yığmasının müdafiəçisi Rail Məlikovun şərəfini qoruduğu Türkiyənin “Denizlispor” klubu bu gün növbəti matçına çıxıb. Azerisport.az xəbər verir ki, onun komandası PTT Birinci Liqanın 14-cü turu çərçivəsində “Manisaspor” ilə qarşılaşıb.
Oyun doğma meydanda keçirilirdi. Ona görə də Dənizli klubu bu görüşdən mütləq qələbə ilə ayrılmağı hədəfləmişdi. Amma hesabı açan tərəf olmasına rəğmən, həmyerlimizin komandası sonda görüşü heç-heçə ilə başa vurub.
Bu görüşdə Railin də forma geyməsi istisna deyildi. Baş məşqçi Selahattin Dervent ötən turlarda olduğu kimi, onu bu dəfə də start heyətdə meydana buraxıb. Millimizin üzvü 90 dəqiqə meydanda olub.
Qeyd edək ki, Railin komandası 14 oyuna 17 xalla 11-ci yerdə gedir.
PTT Türkiyə Birinci Liqası
14-cü tur
2 dekabr
Denizlispor - Manisaspor - 1:1
