2 dekabr 2012 11:25
Topaz Premyer Liqası, 15-ci tur: Asim Xudiyevin proqnozu
Azərbaycan futbolunun veteranı Asim Xudiyev azerisport.az saytına müsahibəsində Topaz Premyer Liqasının 15-ci turunun oyunları ilə bağlı proqnozlarını açıqlayıb.
Xəzər Lənkəran – AZAL
Fikrimcə, “Xəzər Lənkəran” qələbə qazanacaq. Onlar evdə oynayırlar. AZAL isə hazırda qara zolaqdadı. Komanda hələ bu çətin durumdan çıxa bilmir. Cənublular isə son çempionat və kubok oyunlarında qələbə qazanıblar və düşərgədə yaxşı atmosferin olduğu şübhəsizdi.
Turan – Kəpəz
Bu komandalar arasındakı oyunlar həmişə güzəştsiz mübarizə şəraitində keçir. Lakin son dövrlər onların heç biri yaxşı nəticələr əldə edə bilmir. Ona görə də heç-heçə olacağını düşünürəm.
Qəbələ - Bakı
“Qəbələ” son dövrlər yaxşı sürət yığıb. Ramiz Məmmədovun komandası yaxşı nəticələr qazanır. Bu, həm ev, həm də səfər oyunlarına aiddi. “Bakı” isə son turda məğlub olub. Komandada özünəinam da azdı. Bu üzdən də “Qəbələ”nin qələbə qazanacağını düşünürəm.
“Qəbələ” son dövrlər yaxşı sürət yığıb. Ramiz Məmmədovun komandası yaxşı nəticələr qazanır. Bu, həm ev, həm də səfər oyunlarına aiddi. “Bakı” isə son turda məğlub olub. Komandada özünəinam da azdı. Bu üzdən də “Qəbələ”nin qələbə qazanacağını düşünürəm.
Sumqayıt – Simurq
Son turda AZAL ilə heç-heçə etməsinə baxmayaraq, “Sumqayıt” o qədər də inamlı futbol sərgiləmir. “Simurq” isə “İnter”i məğlub etdi, ardından AZAL üzərində qələbə qazandı. Zaqatala klubu da bu mövsüm həm ev, həm də səfər oyunlarındakı inamlı çıxışı ilə fərqlənir. “Simurq” qələbə qazanacaq.
İnter – Rəvan
“Simurq” kimi, “İnter” də çempionata liderlik edir və bu mövqeyini qorumaq istəyindədi. “Rəvan” isə son oyunlarında məğlubiyyətlə üzləşib. Lakin bu komanda baxımlı futbol sərgiləməyi bacarır. Fikrimcə, bu görüşdə heç-heçə qeydə alınacaq.
Neftçi – Qarabağ
Köhnə rəqiblərin qarşılaşmasıdı. Hər iki komanda son oyunlarında qələbə qazanıb. Amma mənə elə gəlir ki, onların öz aralarındakı oyun sülhlə bitəcək.
