3 dekabr 2012 14:16
Neftçi Reala şərik oldu
Beynəlxalq Futbol Tarixi və Statistikaları Federasiyası (İFFHS) dünyanın ən güclü klublarının növbəti reytinq cədvəlini açıqlayıb. Azerisport.az xəbər verir ki, 451 komandanın yer aldığı siyahıda 2 Azərbaycan komandası da var.
“Neftçi” siyahıda 44 pillə irəliləyib. 213-cü yerə qalxan Azərbaycan çempionu 87 xala malikdi. “Ağ-qaralar” Polşanın “Lech”, Zimbabvenin “Dinamo” və Perunun “Real” klubları ilə şərikdi. Bakılıların son 1 ayda arxada qoyduğu klublar arasında Türkiyənin “Trabzonspor” komandası da var.
“Neftçi”nin Avroliqanın qrup mərhələsindən rəqiblərindən İtaliya “İnter”i 28-ci (194 xal), “Rubin” 72-ci (144 xal), “Partizan” 139-cudu (106 xal).
Digər təmsilçimiz “İnter” 7 pillə irəliləyərək, 420-ci yerə qalxıb – 62 xal.
Siyahıya İspaniya klubları - “Barcelona” və “Atletico” başçılıq edir – müvafiq olaraq 345 və 298 xal. Argentinanın “Boca Juniors” klubu 284 xalla ilk “üçlüy”ü qapayır.
