4 dekabr 2012 20:11
Millimizin yarımmüdafiəçisi Polşa klubunda!
Futbol üzrə Azərbaycan yığmasının və “İnter”in yarımmüdafiəçisi Nizami Hacıyev paytaxt klubundan ayrılıb. Azerisport.az xəbər verir ki, buna sözügedən futbolçunun Polşa klubuna baxışa yollanması səbəb olub.
Hacıyev hazırda “Pogon” klubunda baxışdadı. Polşa təmsilçisinin nümayəndələri futbolçumzun agenti ilə əlaqə yaradaraq, onu sınaqdan keçirmək istədiklərini bildiriblər. Beləcə, 24 yaşlı xavbek Polşaya yollanmalı olub. O, artıq Polşa Birinci Liqasında çıxış edən “Energetik”lə yoxlama görüşündə meydana çıxmağa da imkan tapıb. Hacıyev komandasının 5:2 hesabıyla qələbə qazandığı görüşün 89-cu dəqiqəsində qol da vurub.
Qeyd edək ki, “Pogon” özü Polşanın əsas çempionatında çıxış edir. Bu komanda geridə qalan 14 turdan sonra 21 xalla 7-ci yerdə gedir.
