6 dekabr 2012 00:35
Mitreski: Azərbaycan xalqı və azarkeşlərinin xatirinə İnterlə oyunda layiqli futbol sərgiləməliyik
“Neftçi”nin müdafiəçisi İqor Mitreski Avropa Liqasının qrup mərhələsi çərçivəsində İtaliya “İnter”inə qarşı keçirəcəkləri oyun öncəsi fikirlərini açıqlayıb. Azerisport.az xəbər verir ki, o, Milanda keçirilən mətbuat konfransında bunları dilə gətirib:
“Avrokuboklarda heç bir oyun asan olmur. Belə nəhəng klublara qarşı oynamaq isə daha çətindi. Xüsusilə də gənc futbolçulara qarşı. Biz bu oyunda Azərbaycan xalqı və azarkeşlərinin xatirinə layiqli futbol sərgiləməliyik. Bizi heç də adi oyun gözləmir. Əgər futbolçular baş məşqçinin bütün tələblərini yerinə yetirə bilsələr, onda hər şey yaxşı olacaq”.
