7 dekabr 2012 13:15
Esteban Kambyasso: Neftçi pis oynamadı
İtaliyanın “İnter” klubunun futbolçusu Esteban Kambyasso UEFA Avropa Liqasının qrup mərhələsi çərçivəsində Azərbaycan çempionu “Neftçi”yə qarşı keçirdikləri oyunu şərh edib. Azerisport.az xəbər verir ki, o, 2:2 hesabıyla başa çatan qarşılaşma ilə bağlı bunları dilə gətirib:
“Bu oyunun nəticəsi bizim üçün o qədər də vacib əhəmiyyət daşımırdı. Amma hesab edirəm ki, biz “Neftçi”ni 4:1 və ya 3:1 hesabı ilə məğlub edə bilərdik. Sadəcə, bəzi epizodlarda bəxtimiz gətirmədi. “Neftçi” pis oynamadı. Onlar bu nəticəyə layiq idilər. Mənə gəlincə, müdafiəçi mövqeyində oynamaq mənim üçün heç də çətin deyildi. Çünki bu mövqedə bir neçə dəfə oynamışam”.
