7 dekabr 2012 13:38
Kəpəz Qarabağla oyuna ciddi itki ilə çıxacaq
“Qarabağ”a qarşı oyunda “Kəpəz”in baş məşqçisi Mahmud Qurbanov Armand Feutçinin xidmətindən yararlana bilməyəcək. Azerisport.az xəbər verir ki, o, sarı vərəqə limiti üzündən cəzalı duruma düşüb.
“Kəpəz”ə meydanda kömək edə bilməsə də, futbolçu komanda yoldaşları ilə birgə səfər oyununa çıxmağı özünə borc bilib. Qeyd edək ki, artıq uzun müddətdir ki, hər tur öncəsi cəzalı və zədəli futbolçuların olması səbəbindən məşqçilər korpusu istədiyi heyəti meydana buraxa bilmir. Bundan əvvəlki turda Nikolay Svejentsev cəza, Xəyal Zeynalov isə zədə üzündən “Turan”la matçı buraxmışdı.
