9 dekabr 2012 17:20
Cavid Hüseynov komandasını məğlubiyyətdən xilas edə bilmədi (YENİLƏNİB)
Futbol üzrə Azərbaycan yığmasının yarımmüdafiəçisi Cavid Hüseynovun çıxış etdiyi “Adana Demirspor” klubu Türkiyə PTT Birinci Liqasında növbəti matçına çıxıb. Azerisport.az xəbər verir ki, Adana təmsilçisi ölkə çempionatının 15-ci turu çərçivəsində “Tavşanlı Linyitspor” ilə qarşılaşıb.
Qeyd edək ki, bu qarşılaşma rəqib meydanında keçirilirdi. Bu üzdən də Adana təmsilçisi görüşdən ən azı bir xalla ayrılmağı hədəfləmişdi. Amma həmyerlimizin komandası görüşü məğlubiyyətlə başa vurmalı olub.
Son oyunlarda bir qədər az forma şansı qazanan Cavidin bu dəfə hansı aqibəti yaşayacağı maraq doğururdu. O, yalnız 77-ci dəqiqədə meydana çıxsa da, komandasını məğlubiyyətdən xilas edə bilməyib.
“Adana Demirspor” hazırda 23 xalla 18 komanda arasında 6-cı yerdədi.
Türkiyə PTT birinci liqası
15-ci tur
9 dekabr
Tavşanlı Linyitspor - Adana Demirspor - 1:0
