10 dekabr 2012 11:37
Ramiz Məmmədovdan 50-ci qələbə
Topaz Premyer Liqasının 16-cı turunun “Sumqayıt”la səfər oyunu “Qəbələ”nin baş məşqçisi Ramiz Məmmədov üçün əlamətdar olub. Azerisport.az xəbər verir ki, “Bayıl Arena”da qazanılan qələbə mütəxəssis üçün yubiley xarakteri daşıyıb.
Belə ki, “Qəbələ” hazırkı baş məşqçisinin rəhbərliyi altında sayca 50-ci qələbəni qazanıb.
2006/07 mövsümündə komandada debüt edən və 2009/10 mövsümünün sonunda postunu tərk edən mütəxəssis yubiley qələbəsini bu il qayıtdıqdan sonra rəsmiləşdirib. Məmmədov “Qəbələ”nin “sükanı arxasında” ümumilikdə 129-cu matçında 50-ci qələbəyə sevinib.
Bu qələbələrin 41-i çempionat, 9-u kubokda qeydə alınıb. Məmmədovlu “Qəbələ” evdə 31, səfərdə 19 dəfə 3 xal qazanıb.
Maraqlıdır ki, 50-ci yubiley qələbəsi baş məşqçinin komandaya dönüşündən sonra çempionatda ümumilikdə 10-cu, səfərdə 5-ci səfər matçında, qayıdışdan sonra Premyer Liqada 5-ci qələbəni qazanmaqla 50-yə çatıb.
Daha bir məqam diqqət çəkir ki, 50-ci qələbəsini “Sumqayıt” üzərində qazanan Məmmədov ilkə də “Gənclik şəhəri” təmsilçisi ilə matçda imza atmışdı. 2006/07 mövsümündə noyabrın 27-də “Gilan” adını daşıyan Qəbələ təmsilçisi Sumqayıtın digər komandası “Gənclərbirliyi”ni 2:0 hesabı ilə məğlub etmişdi. İlk qələbədən 2203 gün sonra isə 50-ci qələbə əldə olundu.
Məmmədovun rəhbərliyi altında qazanılan 50 qələbənin ümumi top fərqi 98:18 olub. Bu 50 qələbə 8 müxtəlif hesabla qeydə alınıb.
Göründüyü kimi 50 qələbədən 7-si böyükhesabla olub. Bunlardan ən böyükhesablı qələbə də Sumqayıt təmsilçisi üzərində qazanılıb. 2007/08 mövsümündə - 2007-ci il noyabrın 11-də “Gənclərbirliyi” ilə səfər matçında 6:0 hesablı qələbə əldə olunub.
