11 dekabr 2012 00:07
Cihan Özkara ehtiyatda qaldı, komandası qələbəyə sevindi
Futbol üzrə Azərbaycan yığmasının hücumçusu Cihan Özkaranın şərəfini qoruduğu Türkiyənin “Erciyesspor” klubu növbəti matçına çıxıb. Azerisport.az xəbər verir ki, onun komandası PTT Birinci Liqanın 15-ci turu çərçivəsində “Karşıyaka” ilə qarşılaşıb.
Qeyd edək ki, rəqib meydanında keçirilməli olan görüş bir gün öncə baş tutmalı olsa da, təxirə salınmışdı. Buna qardaş ölkədə yağan güclü yağış səbəb olmuşdu. Amma bir gün sonra qarşılaşmanın oynanılması mümkün olub. Görüş Cihanın komandasının 4:2 hesablı qələbəsi ilə başa çatıb. Təəssüf ki, Özkara matçı sona qədər ehtiyatda izləyib.
Qeyd edək ki, Özkaranın komandası geridə qalan 15 oyuna topladığı 30 xalla birinci yerdə gedir.
