10 dekabr 2012 13:25
“Neftçi gözlədiyimizdən də uğurlu çıxış etdi”
19 yaşadək futbolçulardan ibarət Azərbaycan yığmasının baş məşqçisi Arif Əsədov qarşıdan gələn Valentin Qranatkinin xatirəsinə həsr olunmuş beynəlxalq turnirə hazırlıqdan, eləcə də “Neftçi”nin avrokuboklardakı çıxışından danışıb. Azerisport.az saytına müsahibəsində o, bunları dilə gətirib:
“Neftçi”nin qrup mərhələsinə ilk dəfə vəsiqə qazandığını nəzərə alsaq, komandanın çıxışı çox yaxşı alındı. Hətta deyərdim ki, gözlədiyimizdən də yaxşı oldu. Məncə, çox az adam inanardı ki, “Neftçi” belə bir qrupda xal toplaya biləcək. Ümid edirəm ki, biz bu uğurların davamını görəcəyik”.
“Neftçi”nin qrup mərhələsinə ilk dəfə vəsiqə qazandığını nəzərə alsaq, komandanın çıxışı çox yaxşı alındı. Hətta deyərdim ki, gözlədiyimizdən də yaxşı oldu. Məncə, çox az adam inanardı ki, “Neftçi” belə bir qrupda xal toplaya biləcək. Ümid edirəm ki, biz bu uğurların davamını görəcəyik”.
Əsədov paytaxt klubunun futbolçularının, rəsmilərinin digər klubların yaxın 5-10 il ərzində bu uğuru təkrarlaya bilməyəcəyinə dair açıqlamalarına da münasibət bildirib: “Bundan sonra bütün klublarımız onların bu uğurunu təkrarlamağa çalışacaqlar. Bunun kimdə necə alınacağını zaman göstərəcək. Əlbəttə, bu, heç də asan olmayacaq. Amma çalışmaq lazımdı”.
Daha sonra U-19-un çalışdırıcısı Qranatkinin xatirə turnirindən danışıb: “Bu turnirə bütövlükdə hazırlıq gözüylə baxmaq olar. Həm də bu turnir mənim U-19-da baş məşqçi kimi ilk yarışım olacaq. Hazırlığa dekabrın 24-dən start verəcəyik. Rusiyaya hansı heyətlə yollanacağımızı isə bundan bir həftə sonra açıqlayacağıq. Əsas hədəfimiz komandaya yaxşı futbolçular cəlb edib, onları sınaqdan keçirməkdi. Rusiyadan yaxşı nəticə ilə dönməyə çalışacağıq”.
Qeyd edək ki, yığmamız qrup mərhələsində Litva, Ukrayna və Çexiya ilə mübarizə aparacaq. Əsədov rəqiblərimizi də dəyərləndirib: “Ukrayna, Çexiya kimi güclü komandalarla bir qrupa düşməyimiz çox yaxşıdı. Çünki məhz belə rəqiblərlə oyunlard komandanın güclü və zəif cəhətlərini görmək mümkün olur. Ona görə də qrupumuzdan razıyam”.
Millimizin çalışdırıcısı heyətlə də bağlı fikirlərini açıqlayıb: “Noyabrın ortalarında biz 30 futbolçunun cəlb olunduğu seleksiya xarakterli toplanış keçirdik. Onların arasından 15-16 seçdim. Dekabrın 20-22-də daha bir belə toplanışımız olacaq. Həmin toplanışa xaricdə top qovan azərbaycanlı futbolçuları cəlb etmək istəyirik. Onların əksəri Rusiyada çıxış edənlərdi. Onların arasında özünü göstərənlər də dekabrın 24-də start götürəcək əsas toplanışımıza qatılacaqlar. Yanvarın 2-də isə Sankt-Peterburqa yollanacağıq”.
