10 dekabr 2012 16:35
Ələkbər Məmmədov: Rəşad Sadiqovun qolu mənə San Sirodakı pokerimi xatırlatdı
Azərbaycanın veteran futbolçusu Ələkbər Məmmədov azerisport.az saytının suallarını cavablandırıb.
- “Neftçi”nin “İnter”lə Milandakı oyununu izləyə bildiniz?
- Bəli. Komandamız yaxşı oynadı. Çoxları “İnter”in liderləri olmadan meydana çıxmasını önə çəkir. Amma tarixdə yalnız nəticə qalır. “Neftçi” səfərdə çıxış edirdi. Özü də heç-heçəyə yaxşı oyunla nail oldu. Şəxsən mənim xoşuma gəldi. Komandanın növbəti mərhələyə çıxmaq şansı qalmasa da, uşaqlar motivasiyanı itirməmişdilər.
- Bəli. Komandamız yaxşı oynadı. Çoxları “İnter”in liderləri olmadan meydana çıxmasını önə çəkir. Amma tarixdə yalnız nəticə qalır. “Neftçi” səfərdə çıxış edirdi. Özü də heç-heçəyə yaxşı oyunla nail oldu. Şəxsən mənim xoşuma gəldi. Komandanın növbəti mərhələyə çıxmaq şansı qalmasa da, uşaqlar motivasiyanı itirməmişdilər.
- Vaxtilə siz də “San Siro”da qol vurmusuz. Amma “Milan”a...
- “Neftçi”nin oyunu mənə həmin görüşü xatırlatdı. 1955-ci ildə baş tutan həmin qarşılaşmada tribunalarda anşlaq var idi. Çünki o vaxt Moskva “Dinamo”su Avropanın ən güclü klublarından biri hesab olunurdu. Biz SSRİ-nin İtaliyada oyun keçirən ilk komandası idik. 4:1 hesabıyla qələbə qazandıq, bütün qolları da mən vurdum. Həmin matçda da hesabı italyanlar açmışdılar.
- Bəs “Neftçi”nin oyunu sizin üçün nə ilə yadda qaldı?
- Mənim yadımda daha çox Rəşad Sadiqovun vurduğu qol qaldı. Futbolçu illərimi yada saldım. Bu futbolçuya, komandasına görə çox sevindim. Möhtəşəm zərbə idi. Legionerlər də yaxşı oynadılar.
- Mənim yadımda daha çox Rəşad Sadiqovun vurduğu qol qaldı. Futbolçu illərimi yada saldım. Bu futbolçuya, komandasına görə çox sevindim. Möhtəşəm zərbə idi. Legionerlər də yaxşı oynadılar.
- Məsələn?
- Nikolas Kanales, Flavinyo, Vobay. Onlar göstərdilər ki, komanda futbolu sərgiləməyi bacarırlar.
- Nikolas Kanales, Flavinyo, Vobay. Onlar göstərdilər ki, komanda futbolu sərgiləməyi bacarırlar.
- “Neftçi”nin çıxışını bütövlükdə necə qiymətləndirə bilərsiz?
- “Neftçi” tarix yazmağı bacardı. Onlar Avroliqanın qrup mərhələsinə çıxdılar, “İnter” kimi komandayla mübarizə apardılar. Lakin bu uğurlar kifayətlənmək olmaz. Növbəti mövsümlərdə daha ciddi uğurlara cəhd göstərmək lazımdı. Bu gün Azərbaycan futbolunda inkişaf etmək üçün hər cür imkan var.
- “Neftçi” tarix yazmağı bacardı. Onlar Avroliqanın qrup mərhələsinə çıxdılar, “İnter” kimi komandayla mübarizə apardılar. Lakin bu uğurlar kifayətlənmək olmaz. Növbəti mövsümlərdə daha ciddi uğurlara cəhd göstərmək lazımdı. Bu gün Azərbaycan futbolunda inkişaf etmək üçün hər cür imkan var.
- “Neftçi”də belə hesab edirlər ki, onların uğurlarını yaxın 5 ildə heç bir klub təkrarlaya bilməyəcək...
- Zaman göstərəcək. Məncə, bundan sonra hər klubumuz artıq qrup mərhələsinə düşməyə çalışacaq. Sadəcə, nəhəng klublarla oynamaqdan qorxmamaq lazımdı.
- Sizcə, “Neftçi”də qrupdan çıxmaq niyə alınmadı?
- Təcrübə az idi. Onu da etiraf etmək lazımdı ki, bu heyət belə bir ciddi uğura nail olmaq üçün yetərli deyil. İstənilən halda onlar tarix yazdılar.
