Topaz Premyer Liqası, 17-ci tur: tarixə səyahət!

Bu həftə Topaz Premyer Liqasında 17-ci turun oyunları keçiriləcək. Azerisport.az xəbər verir ki, 3 gün ərzində baş tutacaq 6 matçın bəzəyi isə “Xəzər Lənkəran” və “Neftçi” arasındakı “Böyük oyun” olacaq.

 

Peşəkar Futbol Liqasının rəsmi saytı qarşıdakı turda üz-üzə gələn cütlərin ölkə çempionatları tarixindəki əvvəlki qarşılaşmalarının balansını təqdim edir.

17-ci tur

14 dekabr (cümə)

97. “Xəzər Lənkəran” (Lənkəran) – “Neftçi” (Bakı)
+6=10-8, top fərqi – 18:23

Turun açılış oyunu Lənkəranda baş tutacaq. “Xəzər Lənkəran” və “Neftçi”çempionatda yubiley – 25-ci qarşılaşmaya çıxacaq. Paytaxt təmsilçisi ümumi balansda öndə olsa da, son 5 ildə səfərdə qalib gələ bilmir.

 

15 dekabr (şənbə)

98. “Kəpəz” (Gəncə) – “İnter” (Bakı)
+4=2-11, top fərqi – 18:36

“İnter” 18-ci dəfə qarşılaşdığı “Kəpəz”lə matçlarda böyük üstünlüyə malikdir. Bakılılar son 2 oyunda da qələbə qazanıb.

 

99. “Bakı” (Bakı) – “Qarabağ” (Ağdam)
+14=12-13, top fərqi – 45:46

40-cı oyun ərəfəsində qələbə sayında cüzi üstünlüyə malik olan “Bakı” top fərqindəgeridədir. Lakin onlar son 2 matçda məğlub olmayıb.

 

100. AZAL (Bakı) – “Turan” (Tovuz)
+10=5-4, top fərqi – 25:14

Bakılılar “Turan”la 20-ci matç öncəsi böyük üstünlüyə malikdir. Bu komandaların son 4 duelində meydan sahibləri qalib gəlir. Bakıdakı son 4 matçda da qalib gələn meydan sahibləri olub.

 

16 dekabr (bazar)

101. “Rəvan” (Bakı) – “Sumqayıt” (Sumqayıt)
+4=1-0, top fərqi – 6:2

Ardıcıl 4 qarşılaşmada rəqibini məğlub edən “Rəvan” sumqayıtlılarla görüşlərdəməğlubiyyət acısı dadmayıb. Qalibin müəyyənləşdiyi görüşlərdə 1 top fərqi qeydəalınıb.

 

102. “Qəbələ” (Qəbələ) – “Simurq” (Zaqatala)
+6=4-5, top fərqi – 17:13

“Qəbələ” 15 dəfə görüşdüyü “Simurq”la qarşılaşmalarda üstünlüyə malikdir. Lakin bu rəqiblərin son 4 oyununda meydan sahibləri qələbəyə həsrətdir.