Xəzər Lənkəran tarixinin 7-ci avtoqolu

“Xəzər Lənkəran” cari mövsümdə ilk dəfə rəqib komandanın futbolçusunun avtoqoluna sevinib. Azerisport.az xəbər verir ki, Topaz Premyer Liqasının XVI turunda komandamıza 1 xal gətirən bərabərlik qolunu “Simurq”un üzvü Aleksandr Şemonayev vurub. Avtoqol müəllifi olan zaqatalalı futbolçu “Xəzər Lənkəran”ın tarixinə 7-ci belə oyunçu kimi düşüb.

 

Belə ki, ona qədər 6 dəfə “Xəzər Lənkəran”ın rəqibləri avtoqol etmişdi. 8 yaşlı XL 5 dəfə çempionat, 2 dəfə kubokda belə halla üzləşib. 2007/08 və 2011/12 mövsümlərində hərəsində 2, 2006/07 və 2009/10 mövsümlərində isə indiki kimi 1 avtoqola təsadüf olunub.

 

Lakin ilk dəfədir ki, avtoqol olan oyunda “Xəzər Lənkəran” qalib gəlməyib. Əvvəlki 6 matçda komanda qələbə qazanmışdı. Lakin bu dəfə həmin qol heç-heçənin qeydə alınmasında həlledici rol oynadı.

 

“Xəzər Lənkəran”ın rəqiblərinin avtoqolları

 

2006/07 mövsümü Azərbaycan kuboku, 1/8 final

02.12.2006 Bakılı – Xəzər Lənkəran – 0:3

Anar Məmmədəliyev, 90+2-öz qapısına

 

2007/08 mövsümü Azərbaycan çempionatı

23.02.2008 Xəzər Lənkəran – Masallı - 4:1

Vaja Lomaşvili, 81-öz qapısına

 

2007/08 mövsümü Azərbaycan kuboku, 1/2 final

09.04.2008 Qəbələ - Xəzər Lənkəran - 1:3

İrakli Vaşakidze, 15-öz qapısına

 

2009/10 mövsümü Azərbaycan çempionatı

10.12.2009 Xəzər Lənkəran – Olimpik-Şüvəlan – 2:1

Abdulkadir Kamara, 63-öz qapısına

 

2011/12 mövsümü Azərbaycan çempionatı

10.09.2011 Xəzər Lənkəran – Neftçi – 1:0

Ruslan Abışov, 41-öz qapısına

 

2011/12 mövsümü Azərbaycan çempionatı

07.03.2012 Turan – Xəzər Lənkəran – 0:1

Ayxan Abbasov, 3-öz qapısına

 

2012/13 mövsümü Azərbaycan çempionatı

10.12.2012 Simurq – Xəzər Lənkəran – 2:2

Aleksandr Şemonayev, 90+4-öz qapısına.