14 dekabr 2012 11:16
Topaz Premyer Liqası, 17-ci tur: Oqtay Abdullayevin proqnozu
Azərbaycan futbolunun veteranı Oqtay Abdullayev Topaz Premyer Liqasının 17-ci turunun oyunları ilə bağlı proqnozlarını açıqlayıb. Azerisport.az həmin proqnozlarla sizi də tanış edir.
Xəzər Lənkəran – Neftçi
Hazırda “Neftçi” çox yaxşı formadadı. Cənublularda isə qısa zaman ərzində baş verən məşqçi dəyişiklikləri onların oyunlarına təsirsiz ötüşməyib. Ümumiyyətlə, belə bir şəraiti olan komanda bu cür oyun göstərməməlidi. Bu görüşdə də “Neftçi”nin qalib gələcəyini düşünürəm
Kəpəz – İnter
“Kəpəz”in bu qədər zəif oynayacağını düşünmürdüm. Komandanın heyəti çox yaxşıdı. Amma maliyyə problemlərinin olması onların çıxışına böyük təsir göstərir. “İnter” isə hazırda çempionatın favoritlərindəndi. Bu komandanın Gəncədə çətinlik çəkəcəyini düşünmürəm. “İnter” üç xal qazanmalıdı.
“Kəpəz”in bu qədər zəif oynayacağını düşünmürdüm. Komandanın heyəti çox yaxşıdı. Amma maliyyə problemlərinin olması onların çıxışına böyük təsir göstərir. “İnter” isə hazırda çempionatın favoritlərindəndi. Bu komandanın Gəncədə çətinlik çəkəcəyini düşünmürəm. “İnter” üç xal qazanmalıdı.
Bakı – Qarabağ
“Bakı” son oyunlarında yaxşı futbol sərgiləməyə başlayıb. Elə “Qarabağ”da da işlər qaydasında gedir. Mövsümün əvvəlində keçirilən oyunda “Qarabağ”ın qələbə qazanacağını demişdim. Amma bu dəfə heç-heçə olacağı qənaətindəyəm.
AZAL – Turan
AZAL-ın qələbə qazanmaqdan başqa çıxış yolu yoxdu. Onlar ilk altılığa düşmək üçün bu oyunda mütləq qələbə qazanmalıdılar. Qonaqların qələbə qazanmaq şanslarının olduğunu düşünmürəm. AZAL qələbə qazanacaq.
Rəvan – Sumqayıt
“Rəvan” öz rəqibindən daha güclü təsir bağışlayır. “Sumqayıt”da gənc futbolçular çoxdu. Amma çətin ki, “Rəvan” onlara göz açmağa imkan versin. Meydan sahiblərinin qələbə qazanacağını düşünürəm.
Qəbələ - Simurq
Hər iki komanda ilk altılığa düşmək üçün mübarizə aparır. “Simurq” bu mövsüm təkcə yaxşı futbol sərgiləmir, eyni zamanda yaxşı nəticələr qazanır. Amma mənə elə gəlir ki, bu dəfə qələbə “Qəbələ”nin olacaq.
