Kamran Ağayev: Neftçidə oynamağa hazıram

Futbol üzrə Azərbaycan yığmasının qapıçısı Kamran Ağayev gələcək karyerasından danşıb. Azerisport.az saytına müsahibəsində o, bunları dilə gətirib:

“Son dövrlər demək olar ki, məşq etmirəm. Demək olar ki, futboldan küsmüşəm. Avtomobil qəzasına da düşdüm. Lakin qorxulu heç nə yoxdu. Gələcək karyerama gəlincə, heç bir dəvət yoxdu. Əvvəllər “Neftçi”yə keçməkdən imtina edərdim. Amma indi bu klubun qapıçısı olmağa hazıram. Təbii ki, özləri bunu istəsələr”.