Xəzər Lənkəranın rəqibləri üçün 25-ci penalti

Topaz Premyer Liqasının XVII turunun “Neftçi” ilə oyunu “Xəzər Lənkəran”ın qapısına növbəti penaltinin təyin edilməsi ilə əlamətdar oldu. Azerisport.az xəbər verir ki, Fariz Yusifovun bu komandanın qapısına təyin etdiyi 11 metrlik cərimə zərbəsi klubun 8 illik tarixində 25-ci belə cəza oldu. İlk dəfə belə sınaq qarşısında olan Orxan Sadıqlı Premyer Liqanın bombardiri Nikolas Kanalesin zərbəsini dəf etdi.

 

Bu, “Xəzər Lənkəran” qapısına təyin olunan lakin qolla nəticələnməyən 6-cı zərbə oldu. Bunadək 2 dəfə Kamran Ağayevlə Dmitri Kramarenko hərəyə 2, Aleksandr Martyoşkin 1 dəfə rəqiblə dueldən qalib ayrılıb. İlk dəfə belə duelə çıxan Sadıqlı isə rəqib penaltisi zamanı qapıda duran 5-ci “Xəzər Lənkəran”lı oldu: Kamran Ağayev – 13 penal (11 qol), Dmitri Kramarenko – 6 (4), Aleksandr Martyoşkin – 4 (3), Kamal Bayramov – 1 (1), Orxan Sadıqlı – 1 (0).

 

Bu penalti “Böyük oyun”larda 5-ci belə zərbə oldu. “Xəzər Lənkəran” hər 2 şansından yararlanıbsa, “Neftçi” 3-cü cəhddə 2-ci dəfə zərbəni boşa verdi.

 

Qeyd edək ki, bu 25 zərbədən başqa “Xəzər Lənkəran” oyunsonrası penaltilər seriyalarındakı 20 zərbədən yalnız 13-nü buraxıb.