Hakimi təhqir edən futbolçu 4 oyunluq cəzalandı

Bu gün AFFA İnitzam Komitəsinin iclası keçirilib. Azerisport.az xəbər verir ki, aparılan müzakirələrdən sonra Premyer Liqada çıxış edən klubların əvəzedici heyətlərinin 17-ci turunun oyunları ilə bağlı aşağıdakı qərarlar çıxarılıb.

 

“Qəbələ” – “Simurq” matçının 78-ci dəqiqəsində “Simurq”un futbolçusu Mehman Məmmədov kobud oyuna görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 100 manat cərimə olunub.

 

“Rəvan” – “Sumqayıt” matçının 90+3-cü dəqiqəsində “Rəvan”ın futbolçusu Əli Əliyev hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb, klubu 2000 manat cərimə olunub.

 

AZAL – “Turan” matçının 52-ci dəqiqəsində AZAL-ın futbolçusu Tərlan Xəlilov kobud oyuna  görə birbaşa qırmızı vərəqə alaraq meydandan kənarlaşdırıldığı üçün 2 oyunluq cəzalanıb, klubu 1000 manat cərimə olunub.