AFFA səhv qərarını dəyişdi

Bu gün AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra Birinci Divizionun son turunun oyunları ilə bağlı aşağıdakı qərarlar qəbul edilib:

 

“Neftçala” – “Qaradağ Lökbatan” matçında “Neftçala”nın 4 futbolçusu sarı vərəqə ilə cəzalandığı üçün klub 100 manat cərimə olunub.  Oyunun 67-ci dəqiqəsində “Qaradağ Lökbatan”ın  futbolçusu Novruz Ələkbərov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanın, klubu 20 manat cərimə olunub.

 

“Lokomotiv” – “Bakılı” matçında “Bakılı”nın 4 futbolçusu sarı vərəqə ilə cəzalandığı üçün klub 100 manat cərimə olunub.

 

“Tərəqqi” – “Şəmkir” matçında “Şəmkir”in 4 futbolçusu sarı vərəqə ilə cəzalandığı üçün klub 100 manat cərimə olunub. Oyunun 88-ci dəqiqəsində “Tərəqqi”nin futbolçusu Mətləb Məmmədov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün  1 oyunluq cəzalanıb, klubu 20 manat cərimə olunub.

“Energetik” – “Bakılı” matçının 75-ci dəqiqəsində “Energetik”in futbolçusu Samir Əliyevə aqressiv hərəkətə görə birbaşa qırmızı vərəqə göstərilib. Lakin matçın vidoeyazısını izlədikdən sonra futbolçunun aqressiv deyil kobud oynadığı aşkar edilib. Bu səbəbdən futbolçuya verilmiş 4 oyunluq cəza və kluba verilmiş 400 manat cərimə aşağıdakı kimi əvəz olunur:

 

“Energetik”in futbolçusu Samir Əliyev  2 oyunluq cəzalanır, klubu 200 manat cərimə olunur.