Kemal Alispahiç: İstefa haqda heç düşünmürəm də

“Rəvan”ın baş məşqçisi Kemal Alispahiç komandadan gedəcəyi barədə xəbərlərə münasibət bildirib. Azerisport.az saytına müsahibəsində o, bunları dilə gətirib:

“Mənim klub rəhbərliyi ilə çox yaxşı və dəqiq münasibətlərim var. Onlar mənə çox güvənirlər və kömək etməyə çalışırlar. Əgər nəsə problem olsa, rəhbərlik bunu həll edər. Mən heç bir istefadan danışmamışam. Bu haqda heç düşünmürəm də. Bizim hələ ilk altılığa düşmək şansımız var. Sona qədər bunun üçün mübarizə aparacağıq. Nəsə olsa, bunu ilk növbədə rəhbərliklə müzakirə edərəm, daha mətbuatla yox”.