AFFA baş məşqçiyə 1 illik cəza verdi

AFFA daha bir saxtakarlığın üstünü açıb. Azerisport.az xəbər verir ki, U-14 və U-13 Liqasında çıxış edən UGİM (Saatlı) klubunun heyətində 4 futbolçunun sənədlərinin saxtalaşdırıldığı məlum olub.

 

Belə ki, U-13 Liqasında çıxış edən UGİM-dən futbolçular – Rauf Məlikzadə və Ramil Fətullayev, U-14 Liqasında çıxış edən UGİM-dən isə Ziyamin Hüseynov və Malik Malikzadənin sənədləri saxtalaşdırılıb. Qeyd edək ki, U-14 Liqasında çıxış edən UGİM-in heyətində adları göstərilən futbolçular oyunlarda iştirak etməyib. Yuxarıda göstərilənləri nəzərə alaraq AFFA İntizam Komitəsi aşağıdakı qərarı qəbul edib.

 

U-13 Liqasında çıxış edən UGİM (Saatlı) klubunun futbolçuları Rauf Məlikzadə və Ramil Fətullayevin çıxış etdiyi bütün oyunlarda kluba 0:3 hesablı texniki məğlubiyyət verilsin.

 

Hər iki klubun baş məşqçisi Elşən Atakişiyev futbolçuların lisenziyalarını saxtalaşdırıdığı üçün 12 ay müddətinə futbolla bağlı fəaliyyətdən kənarlaşdırılsın.