Barcelona şokda!

İspaniyanın “Barcelona” klubu şok xəbərlə sarsılıb. Azerisport.az xəbər verir ki, komandanın baş məşqçisi Tito Vilanovanın xərçəngə yoluxduğu məlub olub.

 

2011-ci ildə xərçəng xəstəliyinə tutulan, lakin müalicə sayəsində sağalan Vilanovanın xəstəliyi yenidən baş qaldırıb. “Mundo Deportivo”nun xəbərinə görə, baş məşqçinin əməliyyat edilməsinə qərar verilib və müalicəyə başlanıb.

 

“Barcelona”nın prezidenti Sandro Rosell bu xəbərdən sonra komandanın bayram yeməyini və bütün əyləncə tədbirlərini təxirə salıb. Klubun rəsmi saytının açıqlamasında bu ifadələr qeyd olunub: “Klub prezidenti Sandro Rosellin bu gün keçiriləcəyi mətbuat konfransı təxirə salınıb. Bununla yanaşı, mətbuat üçün hazırlanan Yeni il yeməyi və bütün əyləncə tədbirləri təxirə salınıb. Klub qarşıdakı günlərdə yeni bir açıqlama yayımlayacaq”.

 

İspaniya mətbuatının məlumatına görə, “Barcelona” rəhbərliyi Vilanovanın əməliyyatdan sonrakı qərarını gözləyir.