“Xəzər Lənkəranla oyun mənim üçün xüsusi əhəmiyyət kəsb edir”

“Qarabağ”ın müdafiəçisi İlqar Qurbanov Topaz Premyer Liqasının 18-ci turunun “Xəzər Lənkəran”la oyunu öncəsi fikirlərini açıqlayıb. Azerisport.az saytına müsahibəsində o, bunları dilə gətirib:

“Rəqibimiz son dövrlər yaxşı təsir bağışlayır. Fikrimcə, bu oyunda ilk növbədə azarkeşlər qazanacaqlar. Çünki onlar yaxşı futbol izləyəcəklər. Hər iki komandaya üç xal lazımdı. Əminəm ki, heç-heçə heç bir komandanı qane etmir. Odu ki, əsl futbol olacaq. Bu oyun mənim üçün xüsusi əhəmiyyət kəsb edir. Çünki “Xəzər Lənkəran”ın heyətində iki dəfə Azərbaycan çempionu olmuşam. Buna görə də komanda yoldaşlarımla müqayisədə motivasiya məndə daha yüksək olacaq”.