Qarabağda Maksim Medvedev şoku

“Qarabağ” 2012-ci ilin son oyununa hazırlıqlarını davam etdirir. Azerisport.az xəbər verir ki, Premyer Liqanın 18-ci turunda “Xəzər Lənkəran”ı qəbul edəcək Ağdam təmsilçisi bu vacib görüş öncəsi ciddi itki ilə üzləşib.

 

Belə ki, komandanın təcrübəli müdafiəçisi Maksim Medvedev zədələnib. Bu üzdən onun lənkəranlılarla görüşü buraxacağı dəqiqdi.

 

Xatırladaq ki, ağdamlıların digər müdafiəçisi Qara Qarayev də cəzalı olduğu üçün “Xəzər Lənkəran”la görüşdə iştirak etməyəcək.

 

Qeyd edək ki, “Qarabağ” – “Xəzər Lənkəran” oyunu dekabrın 20-də Tofiq Bəhramov adına Respublika stadionunda keçiriləcək və saat 16:00-da başlayacaq.