Rəvanın yeni baş məşqçisi bəlli oldu

“Rəvan”ın vitse-prezidenti Bəhruz Şirəliyev Kemal Alispahiçin istefaya göndərilməsinə münasibət bildirib. Azerisport.az saytına müsahibəsində o, həm də komandanın yeni baş məşqçisinin adını açıqlayıb:

“Bizi bu addımı atmağa məcbur edən bəzi səbəblər vardı. Bunlardan birincisi komandanın uğursuz çıxışı idisə, digəri də “Simurq”la oyunda legioner limitinin kobud şəkildə pozulması oldu. Bu gün Alispahiçlə görüşüb bu barədə onun özünə də məlumat verəcəm. Komandanın yeni baş məşqçisi isə Ramil Əliyev olacaq. O, indiyə qədər baş məşqçinin köməkçisi vəzifəsində çalışırdı. Onunla bir illik müqavilə bağlayacağıq. Qışda komandanın gücləndirəcəyik. Bu mövsüm artıq bizim üçün bitmiş hesab oluna bilər. Ona görə də yeni mövsümə hazırlaşmağa başlayacağıq. Əliyev gənc olsa da, fikrimcə, o, bu vəzifənin öhdəsindən gələ biləcək”.