Qarabağın 5 illik qeyri-adi seriyası

“Qarabağ” Premyer Liqanın XVIII turunda “Xəzər Lənkəran”ı 1:0 məğlub etməklə qış fasiləsinə nikbin əhval-ruhiyyədə yollandı. Azerisport.az xəbər verir ki, son 4 oyunda 10 xal toplayan `Qarabağ`ımız çıxışda olduğunu göstərdi.

 

“Qarabağ” “Xəzər Lənkəran”ı məğlub etməklə həm əsas rəqibinindən aralandı, həm də inanlmaz bir ənənəni davam etdirdi. Artıq 5 ildi “Qarabağ”ı çalışdıran Qurban Qurbanovun komandası elə bir seriya əldə edib ki, həm inanmaq çətindi, həm də bu zənciri çətin kimsə yaxın illərdə qıra bilsin.

Belə ki, düz 5 ildi Qurbanovlu “Qarabağ” qış fasiləsinə qədər qalan son 4 matçda... uduzmayıb.  Əslində, bir qədər də dəqiqləşdirsək, son 4 ildə bu oyunlar ancaq dekabra təsadüf edib və “Qarabağ” ilin son ayında məğlubiyyət görməyib. 2008-ci il də ümumiyyətlə qış fasiləsinə  dekabra çatmamış çıxıldığından “Qarabağ” meydana çıxmayıb. Əvəzində noyabrda baş tutan 4 görüşdə “Qarabağ” indiyə kimi davam edən seriyanın əsasını qoyub.

 

Arxada qalan mövsümdə ən uğurlu il 2010-da olub. “Qarabağ” həmin il sonunda 4 oyunun 4-də də qələbə çalıb. Bu il isə 10 xal 2-ci nəticə qeydə alınıb. Ötən il isə dekabr oyunlarında qapımızda qol görməmişik.

 

Ümumi götürdükdə, 5 il müddətində davam edən seriyada 21 oyun baş tutub. 13 oyunda qləbəbə qazanan “Qarabağ” 8 oyunda heç-heçə edib. 27 qol vuran komanda qapısında cəmi 10 görüb.

 

Bu seriyada ən çox oyun “Xəzər Lənkəran”la olub. 5 mövsümün 4-də (!) yollar cənub klubuyla kəsişib. “Qarabağ” səfərdəki 3 oyundan 2-ni qazanıb, bir də isə heç-heçə edib. Sonuncu oyunda isə ilk dəfə “ağ-yaşıllar”ı doğma meydanda qəbul edən ağdamlılar Vüqar Nadirovun qolu ilə möhtəşəm seriyanı davam etdirdilər.

 

“Qarabağ”ın seriyasındakı bütün oyunlar:

 

2008

`Qarabağ` - `Neftçi`  1:1   09.11.2008

`İnter` - `Qarabağ`   1:1   15.11.2008

`Xəzər-L` - `Qarabağ` 1:3   23.11.2008

`Qarabağ` - `Karvan`  3:2   29.11.2008

 

2009

`Qəbələ` - `Qarabağ`  1:1   06.12.2009

`Qarabağ` - `Muğan`   2:1   10.12.2009

`Standard` - `Qarabağ`0:1   13.12.2009

`Qarabağ` - `Simurq`  0:0   19.12.2009

`Qarabağ` - `Bakı`    0:0   24.12.2009

 

2010

`Qarabağ` - `İnter`   1:0   04.12.2010

`Simurq` - `Qarabağ`  0:1   11.12.2010

`Qarabağ` - `Muğan`   2:0   18.12.2010

`X-L` - `Qarabağ`     1:2   23.12.2010

 

2011

`Turan` - `Qarabağ`   0:1   04.12.2011

`X-L` - `Qarabağ`     0:0   09.12.2011

`Qarabağ` - `Rəvan`   2:0   16.12.2011

`Qəbələ` - `Qarabağ`  0:0   21.12.2011

 

2012

`Neftçi` - `Qarabağ`  0:1   02.12.2012

`Qarabağ` - `Kəpəz`   3:1   07.12.2012

`Bakı` - `Qarabağ`    0:0   15.12.2012

`Qarabağ` - `X-L`     1:0   20.12.2012

 

Klub saytı