Aleksandr Çertoqanov: Yığma komanda gələn il nəticələrini daha da yaxşılaşdırmalıdı

Futbol üzrə Azərbaycan yığmasının və “Qəbələ”nin yarımmüdafiəçisi Aleksandr Çertoqanov geridə qoymağa hazırlaşdığımız futbol ilini dəyərləndirib və 2013-cü ildən gözləntilərini açıqlayıb. Azerisport.az saytına müsahibəsində o, bunları dilə gətirib:

“Yığma komanda bu il bütövlükdə normal çıxış etdi. Məncə, xüsusilə ilin son oyunları daha yaddaqalan oldu. Çünki əksərini səfərdə keçirdik və heç də pis təsir bağışlamadıq. Lakin gələn il daha da artırmalıyıq. Nəticələrimizi yaxşılaşdırmaq üçün buna borcluyuq. Özü də əksər görüşlərimizi doğma divarlar arasında keçirəcəyik. Bu da bizə çox kömək edəcək”.