Nuredineskinin vəziyyəti ciddiliyini qoruyur

Azərbaycan Topaz Premyer Liqasının 18-ci turu çərçivəsində "Şəfa" stadionunda keçirilən "İnter" - "Bakı" oyununda ciddi zədə alan Edin Nuredineskinin vəziyyəti sabitləşmək üzrədi. Azerisport.az xəbər verir ki, həmin oyunun 55-ci dəqiqəsində qapıçı "İnter"in hücumçusu Samir Zərgərovla toqquşaraq başından ciidi zərbə almışdı.

 

Bir müddət hüşünü itirən qapışımız təcili yardım avtomobli ilə xəstəxanaya çatdırılmış və tomoqrafiya müayinəsindən keçirilmışdı. Klubun həkimi Rafiq Hüseynov ötən gün qolkiperin vəziyyətinin bit qədər sabitləşdiyini, bununla belə ciddiliyini qoruduğunu bildirib:

 

"Edin Nuredineski hələ də Mərkəzi gömrük klinikasında müalicə alır. Hazırda onun vəziyyəti bir qədər sabirləşsə də, ciddiliyini qoruyur. 24 dekabr tarixində Nuredineskini bir daha müayindən keçirəcəyik. Yalnız bundan sonra onun xəstəxanadan nə zaman evə buraxılmasına aydınlıq gələcək. Edin ciidi zərbə alıb. Onun boyun nayiyəsinə tikiş qoyulub. Beyninə qan sızacağından narahat idik, xoşbəxtlikdən belə hal qeydə alınmayıb."

 

Onu da qeyd edək ki, ötən gün bir qrup "Bakı" azarkeşi və fan-klub üzvləri Edin Nuredineskini xəstəxanada ziyarət etmək üçün Mərkəzi gömrük klinikasına yollanıblar. Ancaq bu görüş həkimlərin israrlı tələbi ilə baş tutmayıb. Müalicə həkimi xəstənin sakitliyə ehtiyacı olduğunu bildirərək azarkeşlərin Nuredineskiyə baş çəkməsinə icazə verməyib.