“Premyer Liqanın ən baxımlı oyununu izlədik”

“Neftçi”nin məşqçisi Tərlan Əhmədov Topaz Premyer Liqasının 7-ci turundan təxirə salınmış və bu gün baş tutan “İnter”lə oyununu şərh edib. Azerisport.az xəbər verir ki, paytaxt təmsilçisinin çalışdırıcısı 1:1 hesabıyla başa çatan görüşdən sonra bunları dilə gətirib:

 

“Klubumuzun rəhbərliyi və komandanın adından hamının bayramını təbrik edirəm. Premyer Liqanın ən baxımlı oyununu izlədik. Komandamızda bir sıra çatışmazlıqlar var. Mitreski və Elvinin bugünkü oyunda olmaması öz təsirini göstərdi. Ona görə də heyətdə yerdəyişmə etdik. Həm də AZAL-la oyunda təbii ot örtüyündə oynadığımız üçün, bu gün süni meydançada oynamaq çətin idi. İlk hissədə daha yaxşı oynadıq. İkinci hissənin ilk 25 dəqiqəsində yaxşı oynasaq da, sona yaxın zəif çıxış etdik. Amma futbolçular meydanda əzmkarlıq göstərdilər. Qismət belə imiş. Bu heç-heçəyə görə özümüzdən başqa heç kəsi günahlandırmaq olmaz. Bu il futbolçularımızın etdiklərinə görə qarşılarında baş əyirik, təşəkkür edirik. Biz hücum futbolu oynasaq da, bu gün daha çox müdafiədə oynadıq”.