Yığmamızın hücumçusu gələcək taleyinə aydınlıq gətirdi

Latviyanın “Metallurg” klubunun azərbaycanlı futbolçusu Vüqar Əsgərov gələcək karyerası ilə bağlı fikirlərini açıqlayıb. Azerisport.az saytına müsahibəsində o, bunları dilə gətirib:

“Düzünü deyim ki, mən Azərbaycan klublarından dəvət gözləyirdim. Amma mənə heç kim zəng etmədi. Burda da başqa klublara keçməyi özüm istəmədim. “Metallurg”un yeni baş məşqçisi Yanis İnterberqslə görüşdüm. O, məni komandada görmək istədiyini bildirdi. Bir neçə gün fikirləşdikdən sonra onun təklifini qəbul etdim və komandada qalmağa qərar verdim. Klubumla yeni bir illik müqavilə imzaladım”.