Rail Məlikov Şaxtyora qarşı oynayacaq

Rail Məlikovun çıxış etdiyi Türkiyənin “Denizlispor” klubunun hazırlıq planı məlum olub. Azerisport.az xəbər verir ki, birinci dövrədən sonra istirahətə buraxılan komanda yanvarın 2-də Antalyanın Manavqat bölgəsində təlim-məşq toplanışına başlayacaq.

 

Toplanış 10 gün davam edəcək. Bu müddətdə “Denizlispor” 4 yoldaşlıq oyunu keçirəcək. Rəqiblərdən biri Karaqanda “Şaxtyor”u olacaq. Digər üç rəqib isə hələ bəlli deyil.

 

Bu arada “Denizlispor” bir futbolçusu ilə vidalaşıb. Belə ki, komanda “Galatasaray”ın yetirməsi olan, icarə əsasında bu komandada forma geyinən Anıl Dilaverlə yollarını ayırıb.