Mövsümün ən uzun quru seriyası qırıldı

Topaz Premyer Liqasının 7-ci turundan təxirə salınan “İnter” – “Neftçi” matçı meydan sahiblərinin gürcüstanlı qapıçısı Georgi Lomaya üçün uğursuz alınıb. Azerisport.az xəbər verir ki, meydana çıxdığı son 6 qarşılaşmada qapısını toxunulmaz saxlayan legioner matçın 11-ci dəqiqəsində qol üzüntüsü yaşayıb.

 

Lomayanı çempionatın ən məhsuldar futbolçusu Nikolas Kanales dayandırıb. Bununla da qapıçının quru seriyası 636-cı dəqiqədə qırılıb. O, sonuncu dəfə XI turun “Kəpəz”lə matçında qol buraxmışdı.

 

Beynəlxalq Futbol Tarixi və Statistikaları Federasiyasının (İFFHS) qeydə aldığı dünyanın ən uzun quru seriyalarının sırasına düşmək üçün Lomayaya cəmi 24 dəqiqə çatmadı. Həmin siyahıya düşmək üçün 660 quru dəqiqə keçirmək lazımdır.

 

Əvəzində klub tarixinin rekorduna imza atan Lomaya həm də mövsümün ən uzun quru seriyasının müəllifidir. Mövsümün 4 ən uzun quru seriyasından 2-si ona məxsusdur.

 

1. Georgi Lomya (İnter) - 636

2. Georgi Lomya (İnter) - 561

3. David Petrzkieviç (Simurq) - 380

4. Cahangir Həsənzadə (AZAL) - 346