Porto Orxan Əliyevlə bağlı iddiasını davam etdirir

Portuqaliyanın “Porto” klubu “Sumqayıt”ın hücumçusu Orxan Əliyevi rənglərinə bağlamaq fikrindən daşınmayıb. Azerisport.az saytına bu barədə futbolçunun agenti Vaqif Heydərli məlumat verib.

 

Onun sözlərinə görə, “Porto” rəsmiləri yenidən əlaqə saxlayaraq, Əliyevin transferini müzakirə ediblər. 2013-cü ilin yanvar ayında iki klubun rəsmiləri arasında Orxanın transferi ilə bağlı görüş keçirilməlidi.

Qeyd edək ki, “Porto” yığmamızın 17 yaşlı üzvünə U-19 komandasında oynamaq təklifini etmişdi. Amma Əliyev ən az əvəzedicilərdə oynamaq istəyini əsas gətirərək, portəgizlərin təklifini qəbul etməmişdi.