“Yekun qərarı AFFA ilə müzakirə etdikdən sonra verəcəyik”

Azərbaycan Futzal Federasiyasının prezidenti Zaur Axundov MDB ölkələrinin klubları arasında gələn ilin sentyabr ayından etibarən keçirilməsi nəzərdə tutulan yeni turnirlə bağlı fikirlərini açıqlayıb. Azerisport.az saytına müsahibəsində o, bunları dilə gətirib:

“Yanvarın 28-də bu turnirlə bağlı Moskvada görüş olacaq. Yəqin ki, orda bütün qaranlıq suallara aydınlıq gələcək. İndi hər şeyin necə olacağını bilmirik. Bizim üçün əsas daxili birincilikdi. Eyni zamanda Azərbaycan yığmasının, eləcə də UEFA Kubokuna qatılacaq komandamızın çıxışı bizi daha çox narahat edir. Yəni yeni təşkil olunacaq turnir bizim planlarımıza heç bir təsir göstərməməlidi. İstənilən halda yekun qərarı AFFA ilə müzakirə etdikdən sonra verəcəyik”.