“Bandoviçin məni komandada saxlayıb-saxlamayacağını bilmirəm”

“Bakı”nın yarımmüdafiəçisi Cəmşid Məhərrəmov komandadan uzaqlaşdırılması barədə xəbərlərə münasibət bildirib. Azerisport.az saytına müsahibəsində o, bunları dilə gətirib:

“Mən bu haqda heç nə bilmirəm. Bayramdan sonra klub rəhbərliyi ilə görüşüb hər şeyi müzakirə edəcəyik. Bu ili əvəzedici komandada başa vurdum. Amma çox istərdim ki, vəziyyət dəyişsin. Mənim baş məşqçi Bojidar Bandoviçlə heç bir problemim yoxdu. Lakin onun məni komandada saxlayıb-saxlamayacağını bilmirəm”.