Sebastyan Milya Neftçiyə keçməkdən imtina etdi

Polşanın “Slensk” klubunun kapitanı Sebastyan Milya “Neftçi”yə keçməyəcək. Azerisport.az xəbər verir ki, xeyli müddətdi onun Azərbaycan klubuna transferi barədə xəbərlər dolaşsa da, yarımmüdafiəçi son anda vətənində qalmağa üstünlük verib.

“Mövsümün sonuna qədər komandamda qalmaq istəyirəm. Əsas hədəfim çempion titulumuzu qorumaq və yenidən avrokuboklarda çıxış etməkdi”.

Milya Azərbaycandan təklif aldığını da gizlətməyib: “Mənimlə həqiqətən Azərbaycandan maraqlanan var idi. “Slensk”də qalmağa qərar versəm də, yenə digər klubların təkliflərinə baxmağa hazıram”.

 

Qeyd edək ki, 30 yaşlı yarımmüdafiəçinin “Neftçi”dən 450 min avroluq təklif aldığı bildirilirdi. Lakin göründüyü kimi, o, buna razılaşmayıb. Buna baxmayaraq, orta sahə oyunçusunun yayda yenidən komandamızın diqqət mərkəzinə düşməsi istisna olunmur.