5 yanvar 2013 16:05
Yığmamız Litva üzərində qələbə ilə başladı (YENİLƏNİB)
Bu gün Sankt-Peterburqda 19 yaşadək futbolçulardan ibarət yığma komandalar arasında Valentin Qranatkinin xatirəsinə həsr olunmuş beynəlxalq turnirə start verilib. Azerisport.az xəbər verir ki, turnirdə Azərbaycan millisi də iştirak edr.
Komandamız A qrupunda mübarizə aparır. Arif Əsədovun yetirmələri açılış matçında litvalı həmyaşıdları ilə qarşılaşıblar. Görüş kifayət qədər məhsuldar və maraqlı alınıb. Komandamız çətinliklə də olsa, qələbə qazanmağı bacarıb.
Qeyd edək ki, bu gün millimizin yer aldığı qrupda daha bir görüş keçirilib. Çexiya Ukrayna ilə münasibətlərinə aydınlıq gətirib. Görüş 3:3 hesablı məhsuldar nəticə ilə başa çatıb.
Valentin Qranatkinin xatirə turniri
A qrupu
5 yanvar
AZƏRBAYCAN – LİTVA - 3:2 (1:0)
Oyun başladı
30. Yığmamız hesabı açır - 1:0
Birinci hissə başa çatdı
İkinci hissə başladı
49. Millimiz rəqib qapısından ikinci qolu keçirir - 2:0
52. Yığmamız penaltidən yararlana bilmir
56. Əsədovun yetirmələri hesabı darmadağın həddinə çatdırırlar - 3:0
59. Litva yığması buraxılan qollardan birinin əvəzini çıxır - 3:1
62. Deyəsən yığmamızda yaranan arxayınlıq sözünü deməyə başlayır. Litvalılar penalti qolu ilə hesab arasındakı fərqi minimuma endirirlər - 3:2
Matç başa çatdı
