Firudin Qurbansoy: 2013-cü ildə Neftçi qrup mərhələsinə düşməyə bilər

Astroloq Firudin Qurbansoy azerisport.az saytına müsahibəsində 2013-cü illə bağlı proqnozlarını açıqlayıb.

 

- 2013-cü il Azərbaycan idmanı üçün hansı əlamətdar hadisələrlə yadda qala bilər?
- İlan ili Əjdaha ilindən fərqlənir. Əjdaha ili əksər idman növləri üçün uğurlu oldu. Amma İlan ili tamamilə fərqli uğurlara hazırlaşır. İlanlar hər şeyi plana uyğun həll edirlər, çox düşünürlər. Buna görə də mən dinamika, sürət olan idman növlərindən uğur gözləmirəm.

 

- Siz yüngül atletikanı nəzərdə tutursuz?
- Bu da ora daxildi. Amma məsələn ağır atletikadan uğur gözləmək olar. Eləcə də, güləş, boks, cüdo, karate və başqalarından. Bu idman növblərində çoxlu medallar gözləyirəm. Su idman növləri də bu il yeni səviyyəyə qalxacaq.

 

- Şahmatda uğur gözləməyə dəyər?
- Uğurlar olacaq. 2012-ci il pis alınmadı. 2013-cü il də yeni uğurlar vəd edir.

 

- Bəs futbolda?
- Mən artıq qeyd etdim ki, hansı idman növlərində sürət varsa, onlarda uğur çox olmayacaq. Şəxsən mən futbolda uğur gözləmirəm.

 

- Azərbaycan klublarını avrokubokların qrup mərhələsində görmürsüz?
- Beynəlxalq arenada uğurlarımız 2012-ci ildəkindən az olacaq. Azarkeşlər məni səhv başa düşə bilərlər. Amma ulduzlar məhz belə göstərir. Əlbəttə, burda həm də idmançıların özlərindən çox şey asılıdı. Yaxşı hazırlaşmaqla çox şeyə nail olmaq olar.