Cihan Özkara yenidən Super Liqa klubunda

Futbol üzrə Azərbaycan milli komandasının hücumçusu Cihan Özkara özünə yeni iş yeri tapıb. Azerisport.az xəbər verir ki, o, müqavilə ilə məxsus olduğu “Sivasspor” klubuna qayıdıb.

 

Türkiyə mətbuatının yaydığı xəbərə görə, Özkara arıq Super Liqa təmsilçisinin heyətində məşqlərə də başlayıb.

 

Xatırladaq ki, mövsümün əvvəlində Cihan birinci liqada yarışan “Erciyyespor”a icarəyə verilmişdi. 2012-ci ilin sonlarında isə komandanın baş məşqçisi Osman Özköylü millimizin futbolçusu da daxil olmaqla beş futbolçu ilə yolları ayırmaq qərarı çıxarmışdı.

 

Cihan bu səbəbdən keçmiş klubuna qayıdıb. Onun “Sivasspor”da qalacağı, yoxsa yenidən icarəyə veriləcəyi isə hələ müəyyənləşməyib.