Dördüncü dəfə dünyanın ən yaxşı futbolçusu – Messi!

FİFA 2012-ci il üçün dünyanın ən yaxşı futbolçusunun adını açıqlayıb. Azerisport.az xəbər verir ki, İsveçrənin Sürix şəhərində keçirilən mərasimdə aparılan səsvermənin yekun nəticəsinə əsasən dünyanın ən güclüsü bəlli olub.

 

"Qızıl top" uğrunda gərgin mübarizə "Barcelona"dan (İspaniya) Lionel Messi və Andres İnyesta, "Real"dan isə Kriştiano Ronaldo arasında gedib. Həmin oyunçunun adını isə “Qızıl top”un 2004-cü ildəki qalibi Andrey Şevçenko açıqlayıb. Yekun nəticədə Messi qalib olub. Bununla da o, futbol tarixinə dünyanın ən yaxşı futbolçusu adını dalbadal dörd dəfə qazanan ilk oyunçu kimi düşüb.

 

Qeyd edək ki, bununla yanaşı ötən gün dünyanın ən yaxşı məşqçisinin də kimliyinə aydınlıq gəlib. Bu ad uğrunda isə Visente del Boske (İspaniya), Pep Qvardiola (Barcelona) və Joze Mourinyo (Real) yarışıblar. Birinci yeri Visente del Boske tutub.

 

İlin ən yaxşı qolu nominasiyasında da qalibin adı bəlli olub. Digər nominasiyalarda olduğu kimi FİFA Puşkas mükafatına da üç namizəd var idi. Radamel Falkao (Atletico), Neymar (Santos) və Miroslav Stokun (Fenerbahçe) vurduğu qollardan biri "ilin ən yaxşısı" seçilib. Beləcə, ilin ən yaxşı qolu mükafatı Miroslav Stoka verilib. 

 

2012-ci ilin ən yaxşı kişi baş məşqçisi: Visente del Boske (İspaniya)

 

2012-ci ilin ən yaxşı qadın baş məşqçisi: Pia Sundxaqe (İsveç)

 

2012-ci ilin rəmzi yığma komandası: İker Kasilyas, Dani Alveş, Xerard Pike, Serxio Ramos, Marselo, Xabi Alonso, Xavi, Andres İnyesta, Lionel Messi, Kristiano Ronaldo, Radamel Falkao

 

FİFA prezidentinin xüsusi mükafatı: Frans Bekkanbauer

 

2012-ci ilin ən yaxşı qolu: Miroslav Stok (Fenerbahçe)

 

2012-ci ilin ən yaxşı futbolçusu: Lionel Messi