Qəbələnin 2013-cü ildəki ilk transferi (FOTO)

“Qəbələ” 2013-cü ilin ilk transferini reallaşdırıb. Azerisport.az xəbər verir ki, təcrübəli yarımmüdafiəçi Ceyhun Sultanovla 1 illik müqavilə imzalanıb.

 

Daha öncə “Fərid” (1996/97), “Neftçi” (1997/98), “Bakı” (1998-01, 2003-2005), “Maşınsazi” (İran, 2003),  “Xəzər Lənkəran” (2006-10), “Kəpəz” (2010-12) kimi komandalarda top qovan futbolçu cari mövsümün ilk yarısını “Sumqayıt”da keçirib. “Bakı”da 19, “Kəpəz”də 7, “Xəzər Lənkəran”da 3, “Sumqayıt”da 1 dəfə fərqlənən yeni transfer ümumilikdə 30 qol vurub.

 

Ceyhun Sultanov 2 dəfə Azərbaycan çempionu, 2 dəfə Azərbaycan kubokunun qalibi olub. 2008-ci ildə isə “Birlik kuboku”nu qazanıb. 

 

Qeyd edək ki, Azərbaycan milli komandasında 16 oyun keçirən Sultanov 1 qol vurub və 1 matça kapitan sarğısı ilə çıxıb.