Nikolov İnterin məşqçiləri ilə görüş keçirdi (FOTO)

Bu gün “Şəfa” stadionunda “İnter”in Uşaq Gənclər Futbol Məktəbinin yeni ildə ilk iclası keçirilib. Azerisport.az xəbər verir ki, tədbirdə klubun prezidenti Georgi Nikolov da iştirak edib.

 

Prezident nitqinə təbriklə başlayıb: “Yeni il bayramı münasibətilə hamınızı təbrik edirəm! Hamınıza ötənilki nəticələri təkrarlamağı arzulayıram. Minimum 2 komandamızın cari mövsümdə bizi qızıl medallarla sevindirmısini çox istərdim”.

 

Sonra G.Nikolov UGFM-in fəaliyyətinin əhəmiyyətindən danışıb: “Bildiyiniz kimi, FİFA yaxın gələcəkdə bütün klubların heyətində minimum 5 yerli futbolçunun oynamasını zəruri sayan direktiv hazırlayıb. Gözlənilir ki, bu qayda 2015-ci ildə qüvvəyə minəcək. Bu isə o deməkdir ki, sizin çiyinlərinizə ikiqat yük düşür, yəni işinizin əhəmiyyəti daha da artacaq. “İnter” PİK-in Uşaq Gənclər Futbol Məktəbi öz fəaliyyətilə və kadrlarıyla həmişə fərqlənib.2015-ci ildə əsas komanda  və əvəzedici heyət üçün daha çox futbolçu hazırlamalısınız”.

 

İclasda “İnter”PİK-in UGFM üzrə inkişaf layihəsinin rəhbəri Valentin Xodukin məşqçilərə məktəbin yaxın gələcək üçün planları məlumat verib. Tədbirdə həmçinin bəzi cari məsələlər də müzakirə edilib.