“Bu yaş qrupunda indiyə qədər mənim gördüyüm ən güclü komanda Azərbaycan yığmasıdı”

Valentin Qranatkinin xatirəsinə həsr olunmuş beynəlxalq turnirdə 19 yaşadək futbolçulardan ibarət Ukrayna və Azərbaycan yığmaları arasında bu gün keçirilmiş oyundan sonra rəqib komandanın baş məşqçisi Aleksandr Petrakov fikirlərini bölüşüb. Azerisport.az xəbər verir ki, o, 2:0 hesablı qələbə qazandıqları görüşü belə şərh edib:

 

“Azərbaycan yığması ilə bizim çox yaxşı, dost münasibətimiz var. Bir neçə dəfə qarşılaşmışıq. Qazaxıstanda keçirilən turnirdə Azərbaycan yığması bizi məğlub etdi. Bu dəfə isə biz qələbə qazandıq. Futbolda belə hallarla tez-tez rastlaşmaq mümkündür. Bir məsələni qeyd edim ki, bu, müvafiq yaş qrupunda indiyə qədər mənim gördüyüm ən güclü Azərbaycan yığmasıdır. Təəssüf ki, bu turnirdə bizim qrupumuzda 3 eyni səviyyəli komanda mübarizə apardı. Çünki hər üçümüz qrupda birinci yeri tutmağa layiq komandalar olduğumuzu nümayiş etdirdik”.