Sumqayıt Trabzonspordan Orxan Əliyevə təklif gəldiyini rəsmən açıqladı

“Sumqayıt” Orxan Əliyev “Trabzonspor”dan rəsmi təklif gəldiyini təsdiqləyib. Azerisport.az xəbər verir ki, klubun açıqlamasında bunlar qeyd olunub:

 

“Sumqayıt” Futbol Klubunun və 19 yaşadək futbolçulardan ibarət millimizin hüumçusu Orxan Əliyevə növbəti təklif gəlib. “Portu”dan sonra indi də “Trabzonspor” Futbol Klubu 17 yaşlı futbolçumuzu baxışa dəvət edib. Dünən “Sumqayıt” FK-na “bordo-mavili” klubun rəsmisi Özkan Sümer tərəfindən faks daxil olub. Orxan Əliyev yanvarın 22-dən 29-dək “Trabzonspor”un düşərgəsində olacaq.

 

Qeyd edək ki, Orxan Əliyev cari mövsümdə “Sumqayıt” FK-nun heyətində Topaz Premyer Liqasında 12 qarşılaşmada (836 dəqiqə) meydana çıxıb və 2 qol vurub”.