Neftçi albaniyalı istedadı heyətinə qata bilər

Azərbaycan çempionu “Neftçi” Albaniyanın “Laçi” klubunun yarımmüdafiəçisi Eryon Vuçay ilə güclənə bilər. Azerisport.az xəbər verir ki, 22 yaşlı futbolçu hazırda Albaniyanın ən perspektivli futbolçularından biri hesab olunur.

 

“Neftçi” ilə yanaşı Polşanın “Slensk” klubu da Vuçayın xidmətində maraqlıdı. Amma onun özünün hansı qərarı verəcəyi bilinmir.

 

Qeyd edək ki, 1990-cı ildə anadan olan Vuçay “Vllaznia”nın yetirməsidi. Amma o, 2008-2009 mövsümündə bu komandada cəmi 1 oyun keçirib. 2009-cu ildən çıxış etdiyi “Laçi”də isə 79 oyunda 8 qol vurub. 2008-2009 mövsümündə Vuçay Albaniyanın U-19 yığmasında 1 oyuna çıxıb. 2009-2012-ci illər aralığında çağırıldığı U-21-də isə 8 oyun keçirib.

 

2011/12 mövsümün Vuçay Albaniya çempionatının ən yaxşı gənc futbolçusu seçilib. Bu futbolçunu Xorvatiya və Rumıniya klubları da heyətlərinə qatmaq istəyirlər.