İnter hazırlıqlara start verdi (FOTOREPORTAJ)

Xəbər verdiyimiz kimi, "İnter" hazırda Türkiyədədi. Azerisport.az xəbər verir ki, “bankirlər” fevralın 4-dək burada təlim-məşq toplanışı keçirəcək.

 

Bu gün komanda məşqlərə trenajor zalında çalışmalarla başlayıb. Sonra meydançaya çıxan futbolçular isinmə və fiziki hərəkətləri yerinə  yetiriblər. Komanda axşam məşqi keçirməyi də planlaşdırır.

 

Hazırda toplanışda 26 futbolçu iştirak edir. Bunlar qapıçılar - Georgi Lomaya, Revaz Tevdoradze, Elşən Poladov, müdafiəçilər- Vladimir Levin, Ruslan Əmircanov, Valeri Abramidze, İlia Kandelaki, Arif Daşdəmirov, Brüs Abdullay, Abdulla Abatsiyev, Ruslan Cəfərov, Azər Salahlı, Cəmil Hacıyev, İlqar Ələkbərov, yarımmüdafiəçilər- Nizami Hacıyev, Petar Zlatinov, Fuad Bayramov, İbrahima Niasse, Slavço Georgiyevski, Daniel Genov, Asif Məmmədov, Samir Zərgərov, Mirsahib Abbasov,  hücumçular - Baçana Tsxadadze, Yuri Fomenko və Ramil Mansurovdu.

 

Xatırladaq ki, Tales Şüts ikinci dəfə əməliyyat olunmağa hazırlaşır və buna görə Türkiyə toplanışına gəlməsi sual altındadı. Digər futbolçu  Grorgi Adamiya isə hazırda Almaniyada müayinə olunur və bu səbəbdən də Türkiyə toplanışında iştirak etmir.

 

Əlavə edək ki, hazırlıq planına əsasən komanda toplanış ərzində 6 yoxlama qarşılaşması keçirməyi planlaşdırır.