13 yanvar 2013 01:25
Bojidar Bandoviç: Biz artıq gecikirik
“Bakı”nın baş məşqçisi Bojidar Bandoviç klubun internet televiziyasına müsahibə verib. Azerisport.az xəbər verir ki, serbiyalı mütəxəssis komandanın planları, təlim-məşq toplanışı və hədəfləri barədə danışıb.
"Zənnimcə, oyunların əksəriyyətini yaxşı keçirmişik. Unutmayaq ki, həmin oyunları hücumçusuz oynadıq və bu da bizim üçün problem yaratdı. Xüsusilə son matçlarda güclü rəqiblərə qarşı yaxşı oynadıq. Ya udurduq, ya da kı heç-heçə oynayırdıq. Buraxdığımız 13 qoldan beşi penaltidən idi. Fikrimcə, onların 3-4-ü səhv qərar idi.
Mən yayda komandaya qələndə bir neçə problemlə üzləşdim. Etiraf edirəm ki, turnir cədvəlində məskunlaşdığıımız yer ürəyimizcə deyil. Biz daha yüksək yerə layiqik.
Yeni ildən sonra 3-4 gündür ki, bir yerə yığışmışıq. Futbolçuları bəzi testlərdən keçirmişik ki, onların hansı vəziyyətdə olduğunu bilək. Bu nəticələrə əsasən, fiziki formalarını bərpa edəcəyik. Çalışacağıq ki, çempionatın ilk oyununa onları lazımlı şəkildə hazırlaşdıraq.
Transferlərə gəldikdə, onu demək istəyirəm ki, biz artıq gecikirik. Bu amil məni narahat etməyə bilməz. Bəzi oyunçular gedəcək və biz onların yerinə yeni oyunçu axtarmalıyıq ki onlar gələcəkdə bizə faydalı olsun.
Antalyada iki həftəlik təlim keçirəcəyik. Çempionatın başlanmasına təxminən 5 həftə qalır. Bazar ertəsi Antalayaya yolə düşürük və orada 3 yoxlama oyunu keçirəcəyik.
Oyunlar zamanı çalışacağık ki, optimal heyət formalaşdıraq. Zəif nöqtələri tapıb onların üzərində çalışacağıq".
