“Azərbaycanla oyunda xarakter nümayiş etdirdik”

Valentin Qranatkinin xatirəsinə həsr olunmuş beynəlxalq turnirdə 19 yaşadək futbolçulardan ibarət Azərbaycan və Belarus yığmaları arasında bu gün keçirilmiş oyundan sonra rəqib komandanın baş məşqçisi Andrey Pışkin fikirlərini açıqlayıb. Azerisport.az xəbər verir ki, o, penaltilərlə qazandıqları görüşü belə şərh edib:

 

“Oyun barədə təəssüratlarım müsbətdir. Azlıqda qalsaq da, oyun intizamını itirmədik. Xarakter nümayiş etdirdiyi üçün futbolçulara təşəkkür edirəm. Tutduğumuz yeri nəzərə almasaq, oyundan-oyuna inkişaf edirdik. Avropanın güclü komandalarına qarşı kifayət qədər yaxşı oynadıq. Qarşıdakı turnirlərdə karımıza gələcək beynəlxalq təcrübə qazandıq. Bu yarışda öz oyun fəlsəfəmizi tapdıq və həmin istiqamətdə irəliləməyə çalışacağıq”.