13 yanvar 2013 11:24
Nizami Hacıyev: İnter Polşa klublarından pul tələb etməklə düz etdi
Futbol üzrə Azərbaycan yığmasının və “İnter”in yarımmüdafiəçisi Nizami Hacıyev azerisport.az saytına müsahibəsində bu qış adının hallandığı Polşa klublarına keçidinin alınmamasından danışıb.
- Polşa klublarına keçidinizin alınmamasına təəssüflənmirsiz ki?
- Artıq olan olubdu. Keçmiş barədə danışmağı sevmirəm. Mənim “Poqon” və “Korona”ya keçmək variantım var idi. Onlar mənə müqavilə təklif edirdilər. Amma “İnter” buraxmadı. İndi bircə onu düşünürəm ki, komandamla mövsümü mümkün qədər uğurlu başa vurum.
- Artıq olan olubdu. Keçmiş barədə danışmağı sevmirəm. Mənim “Poqon” və “Korona”ya keçmək variantım var idi. Onlar mənə müqavilə təklif edirdilər. Amma “İnter” buraxmadı. İndi bircə onu düşünürəm ki, komandamla mövsümü mümkün qədər uğurlu başa vurum.
- Siz “İnter”in sizə görə transfer haqqı tələb edəcəyini gözləmirdiz?
- Əvvəllər mənə demişdilər ki, “İnter” gedişimdə maraqlıdı. Yəni hansısa xarici kluba keçsəm, bu, paytaxt klubu üçün müsbət məqam sayılacaqdı. Amma Polşa klubları ilə danışıqlar apararkən belə problem yarandı. “Poqon” da onların tələb etdiyi pulu ödəməkdən imtina etdi.
- Əvvəllər mənə demişdilər ki, “İnter” gedişimdə maraqlıdı. Yəni hansısa xarici kluba keçsəm, bu, paytaxt klubu üçün müsbət məqam sayılacaqdı. Amma Polşa klubları ilə danışıqlar apararkən belə problem yarandı. “Poqon” da onların tələb etdiyi pulu ödəməkdən imtina etdi.
- Sizcə, “İnter” düzgün addım atdı?
- Onların mənə görə pul tələb etmək haqqı var. Amma bunu simvolik bir rəqəmlə məhdudlaşdıra bilərdilər. Hansı ki, vaxtilə “Xəzər Lənkəran”a keçərkən belə bir addım atmışdılar. Digər tərəfdən polyaklar da qəti şəkildə mənə görə pul ödəmək istəmirdilər. “İnter” pul tələb etməklə düzgün addım atdı. Polşalıların mənimlə maraqlanmasında elə “İnter”in öz rolu böyükdü.
- İndi yenidən Azərbaycan çempionatına köklənmək çətin olmayacaq ki?
- Əksinə, daha yaxşı oynamaq üçün əvvəlkindən də artıq motivasiyam olacaq. Qarşıda çətin oyunlarımız var. Mənim “İnter”in heyətində Azərbaycan çempionu olmaq istəyim var. Ondan sonra klubumu dəyişmək haqda düşünə bilərəm. Bəzi variantlar var.
- Əksinə, daha yaxşı oynamaq üçün əvvəlkindən də artıq motivasiyam olacaq. Qarşıda çətin oyunlarımız var. Mənim “İnter”in heyətində Azərbaycan çempionu olmaq istəyim var. Ondan sonra klubumu dəyişmək haqda düşünə bilərəm. Bəzi variantlar var.
- Bəs polşalıların sizə təqdim etdiyi müqavilələr qaneedici idi?
- Maliyyə cəhətdən uduzurdum. Çünki onlar “İnter”in ödədiyindən az verəcəkdilər. Amma mən ora pul qazanmağa getmirdim. Mən özümü Polşa çempionatında göstərmək istəyirdim. Bu, həm yığmaya tez-tez çağırılmağıma imkan verə bilərdi. Ola bilər ki, öz arzumu yayda gerçəkləşdirə bildim.
- Maliyyə cəhətdən uduzurdum. Çünki onlar “İnter”in ödədiyindən az verəcəkdilər. Amma mən ora pul qazanmağa getmirdim. Mən özümü Polşa çempionatında göstərmək istəyirdim. Bu, həm yığmaya tez-tez çağırılmağıma imkan verə bilərdi. Ola bilər ki, öz arzumu yayda gerçəkləşdirə bildim.
- “İnter”lə müqavilənizin müddəti də elə həmin vaxt bitir...
- Bəli. Ondan sonra istənilən kluba problemsiz keçə bilərəm. Amma hazırda yalnız “İnter”in uğurları haqda düşünürəm. Polşada dedilər ki, mənim çıxışımı diqqətdə saxlayacaqlar.
