Rauf Əliyev Bakıya yox, Türkiyə klublarına keçə bilər

Futbol üzrə Azərbaycan yığmasının hücumçusu Rauf Əliyevin “Bakı”ya transferi baş tutmaya bilər. Azerisport.az xəbər verir ki, tərəflər razılığa gəlsələr də, hələ də müqaviləyə imza atmayıblar.

 

Bu arada Əliyevlə Türkiyənin iki klubu da yaxından maraqlanmağa başlayıb. Özü də hər iki klub futbolçumuza sərfəli müqavilə təklif edirlər. Əliyevin PTT Birinci Liqa klublarına hansı cavabı verəcəyi isə hələlik bilinmir.

Rauf özü də bu məlumatı təkzib etməyib: “Mən hələ də “Bakı”nın cavabını gözləyirəm. Başqa klublardan da sərfəli təklif almışam. Türkiyənin birinci liqa klubları da xidmətimdə maraqlıdı. Mənə də özümə yeni klub tapmaq vacibdi. Qış hazırlığını boşa vermək istəmirəm. Əks halda formamı itirə bilərəm”.